من طرف كريم 28/7/2009, 11:01 am
في ليلة من ليالي العمر ،،،
وكان الجو مشمسا والليل ساطعا والدنيا خراب والجو بديع و البحر بيستهبل
وفاتني القطر وانا قاعد ،،، وشفت الليل بيسبقني
لقيت الليل بيتباعد ،،، والشمس جاية تحرقني
.................................................. تأليف الشاعر المبجل ،، موكا ابودماغ بايظة
فاتنهزت فرصة اكتمال قواي العقلية وقررت اني اكتب موضوع ،،، اكتبه مش انقله !!
الصراحة انا معرفتش اتكلم عن ايه ولا عارف انا جاي هنا ليه
بس من شوية صغيرين واحدة لقيتها بتقولي انا زهقانة وبقالنا كتير مطلعناش رحلات
ومن خلال رغيي معاها في الموضوع ده اتضحلي انها بتطلع 48 رحلة في السنة
فانا الصراحة معجبنيش الموضوع وحسيت اني عايز اضربها
بس سألتها سؤال في منتهى البراءة ،،، قلتلها انتي حسبتيهم 48 ازاي ؟؟
لقيتها ردت عليا بسؤال (بعد تخفيضات منهج 5 ابتدائي ولا بعد ما عملو السبت اجازه؟)
انا الحقيقة دحكت جوة نفسي ،، بس طلبت معايا اشتغالة بقى
وانتهز اكتمال قواي العقلية ،،، وقررت اني اطلعهم عليها ،، وخصوصا ان مفيش قدامي غيرها
المهم نرجع لموضوعنا ،،،
فبقولها هو المعلومات اللي وصلتني ان ده حصل بعد ما رفعو سعر الرغيف في سيوة
قالتلي سيوة ايه يبني انت ،،، قلتلها لالا مانا عارف انك تبع الداخلة
بس هما ثبتو السعر عندكو انما رفعوها في سيوة وبعدها طلعو القرار اياه
قالتلي قرار ايه ؟؟؟ قلتلها القرار اللي طلعو بعد أحداث جامعة عين شمس
لما الطلبة رزعت لبعض وبتوع الامن زاطو مع الزيطة وقعدو يلطشو هما كمان في الطلبة
قالتلي اااااااااااااااااه ،، قلتلها مش كده وبس ده كمان رئيس جامعة عين شمس
استضاف احد الصحفيين الضحايا في مكتبه و اللي بعد كده اتضح انه انطرد من المكتب
قالتلي انطرد ليه ،، قلتلها ماهو نقابة الصحفيين النهاردة عملت مظاهرة ضخمة جدا
انضماما مع الاخ الصحفي اللي انضرب واتبهدل وهو بيؤدي عمله ،،
ده غير انه في نفس ذات الوقت كان طلبة الاخوان المسلمين عاملين مظاهرة
بيطالبو فيها باعادة الانتخابات وان الانتخابات اللي اتعملت باطلة وبتاع وشاي بالنعناع
قالتلي نعناع ايه ،،، قلتلها ماهو مشكلة النعناع المضروب اللي اتهرب ودخل من السويس
وبور سعيد عمل أزمة في تصنيع الشاي الاخضر اللي بيوزعوه على مصانع الشرقية للدخان
قالتلي دخان ايه يبني وشاي اخضر ايه ،، قلتلها ماهو الانتخابات اللي كان عاملها طلبة الاخوان
كان عشان كل اعضاء هيئة البتنجان رفضت اي تواجد او اي حركة نشاطية للاخوان داخل الجامعة
وبناء عليه ،،، انتفض الطلبة وعملو مظاهرة بيطالبو فيها بتخفيض سعر النعناع
قالتلي نعناع تاني ،،، قلتلها ماهو بعد كده كل طلبة المحافظات والاقاليم من الاخوان
تضامنو مع طلبة الاخوان في القاهرة ،، فطلعو قرار تاني برفع سعر المنتجات
الحيوانية اللي بيستخدمها المواطنين ومنها القمح ،،، وبناء عليه سعر
الرغيف اترفع في كل محافظات مصر
ما عدا مطروح و الداخلة اللي انتي بتنتمي ليها ،،،
قالتلي ليه يعني ؟؟؟ ،،، قلتلها ماهما ملقوش طلبة للاخوان في مطروح او الداخلة فثبتو فيها سعر الرغيف
قالتلي اااااااااااااااه ،،، اومال ايه اللي دخل سيوة في الموضوع ؟؟؟
قلتلها ماهو المشكلة ان كل المحافظات لقو فيها طلبة ،،
انما سيوة لقو فيها جمل كان هربان من اصطبل الشيخ طه عبده نصحي
وده احد اكبر رجال الاخوان في مصر وعشان كده حطو عينهم على سيوة
وقررو يرفعو فيها سعر الرغيف وفرضو رقابة أمنية على المنطقة وحاصروها
مع ان مفهاش حد تقريبا
قالتلي ينهار اسود ومنيل ،،، انا يبني بقولك انا زهقانة ومش عارفة اطلع رحلات
قلتلها ماهما بعد ما نقلو نهائي افريقيا من استاد القاهرة للكلية الحربية
،، اتضح ان الجماهير قررت انها تقاطع الــــــــــــــ ،،، (قاطعتني)
وقالتلي لاااااااااااااااااااااااا
انا داخلة انام 
تصبح على خير ،،،قلتلها مانا بفهمك وانتي اللي مش عايزة تفهمي ،،،
وفجأة لقيتها اوف لاين ،،،،،،،،،
وبس
