من طرف كريم 28/7/2009, 9:24 am
الجنس ناعم ناعم و الجنس الخشن خشن
طبعا كلكم فاكريين سمير غانم فى فيلم زمان اسمه اجازة نصف السنة و كانوا
عامليين ماتش بين فريق الرجال و النساء و كان هو اللى بيقوم بالتعليق ودى
مقولته الشهيرة فى الفيلم
الرياضة فعلا رغم انها بتتمارس بنفس القوانين و اللوائح بل و بنفس الجمعيات العمومية و الاتحادات الدولية و المحلية
طب بص المواقف دى مثلا مقارنة بطريقة كوميدية طبعا
*طب تخيل لاعبة مثلا وقعت على الارض فى اى لعبة طبعا مش هتحتاج الجهاز الطبى
لأ دى هتحتاج تروح للكوافير
*لاعب يشوط الكرة تقلش يعدل شرابه
لاعبة تانية تشوط فاول يقلش بعيد بدل ما تعدل لنفسها شرابها تقف تحط روج
*لاعب عطشان فى الملعب يشرب مياه
لاعبة عطشانة و هى فى الملعب طلبت من المدرب بدل المياه كوب عصير برتقال
*عادى جدا ان اى لاعب يتشد من الفانلة
لاعبة اتشديت من فانلتها صممت ان اللاعبة اللى شدتها تودى الطقم بعد الماتش للمغسللة
*لاعب كرة وزنه زاد يطلع عينه و غصب عنه مدربه يخليه يخس
لاعبة كرة وزنها زاد شوية فالمدرب قال لها لازم تخسى قامت راحت ميرفت بيوتى بالاس
* لاعب يكسب ماتش ياخد مكافاة
لاعبة كسبت ماتش طلبت من مجلس الادارة خاتم سوليتير
*لاعب مصاب يسافر و يقعد يؤهل نفسه
لاعبة جالها اصابة بدل ما تروح المانيا صممت تقضى وقت الاصابة فى سيتى ستارز
*لاعب يعمل مشكلة مع فريقه يقولك عيشى خلاص هيتقطع
لاعبة تعمل مشاكل تهدد ناديها انها هتتجوز و تقعد فى البيت
